Nagatabok sa dalan ang 49-anyos nga babaye sang siya ang nabunggoan sang motor nga ginamaneho sang teenager sa atubang sang Gov. Valeriano M. Gatuslao Memorial Hospital sa Barangay 4, Himamaylan City, Lunes sang kaagahon.
Nakaangkon sang head injury si alyas “Jeny”, taga Brgy. Aguisan sa Himamaylan. Siya ang gindala sa ospital apang napatay.
Nagwa sa imbestigasyon nga nabunggoan si alyas “Jeny” sang motor ni alyas “Junior”, 19-anyos, taga Brgy. Oringao sa Kabankalan.
Si alyas “Jeny” ang may pasyente nga na admit sa amo nga ospital sang natabo ang pagbunggo.
Ang driver sang motor ang nakaangkon man sang minor injury. Siya ang gin-release sa police station matapos mag-lapse ang reglementary period sang iya detention nga wala sang kaso nga napasaka batuk sa iya.
[sibwp_form id=1]