Dead on arrival sa Sipalay City Primary Care Facility ang 50-anyos nga lalaki matapos ginlabo sa li-og sang iya man lang hinablos sa Purok Balatong, Barangay Gil Montilla sa Sipalay City sang Lunes.
Suno kay alyas “Gunding”, amay sang biktima nga si alyas “Rex”, nagapungko sa sulod sang balay ang biktima sang nag-abot ang hubog nga suspek, ginkilala kay alyas “Lando”, 37-anyos.
Ginkompronta sang suspek ang biktima sa pagpati sini nga makapila ka beses nga gin-abuso sang biktima ang iya iloy.
Naglakat ang suspek kag pagkaligad sang pila ka minutos, nagbalik ini bitbit ang binangon, ginlabo ang biktima kag nagpalagyo.
[sibwp_form id=1]