Arestado ang 40-anyos nga lalaki bangud sang pagpaniro sa Sitio Bactulon, Barangay Camindangan sa Sipalay City, sadtong Domingo.
Nakuha man sa suspek nga ginkilala kay alyas “Alex”, taga Brgy. Camindangan ang isa ka improvised pistolized shotgun, duha ka live 2-gauge shotgun ammunition kag isa ka nagamit na nga bala.
Suno sa report sang pulis, gintiro sang suspek ang biktima nga si alyas “Armando”, 47-anyos, residente sang Brgy. Haba sa Candoni.
Nakaangkon sang pilas sa ulo ang biktima kag gin-refer sa provincial hospital sa Silay City.
Nagwa sa imbestigasyon nga nagakay-o sang motor sa gwa sang balay sang iya paryente ang biktima sang ginpalapitan ini sang suspek kag gintiro.
Suno sa biktima, antes matabo ang insidente, nagbaisay sila sang suspek bangud sang daan na nila nga mga inaway.
Kaso nga frustrated homicide ang ginpasaka batok sa suspek.
[sibwp_form id=1]