Balay nasunog bangud sang gina suspetsuhan tapping sang kuryente.
Tagbalay nga senior citizen naga celebrate pa sang iya nga birthday.
Las diyes kwarenta’y otso kaina sang aga sang nag daba-daba ang kalayo sa balay sang Pamilya Asplico sa Purok Rojas Village, Brgy. Tangub, sa Bacolod City.
Ang balay ginapanag-iyahan sang mag-asawa nga sanday Edgardo Asplico, 80 anyos kag Julieta Asplico, 58 anyos.
Samtang, partially damaged naman ang balay ni Eugene Briones.
Suno kay Bureau of Fire Protection – Bacolod Chief Investigator FO2 Rolin John Paulan, ang sunog nag umpisa sa likod sang balay ni Edgardo.
Sa inisyal nga imbestigasyon sang BFP, electrical in nature ang ginhalinan sang kalayo matapos nadiskubre nga overloaded ang circuit tungod may naga-tap pa sang kuryente sa nasunugan nga balay.
Naglambot sa P41,000.00 ang balor sang kahalitan sang sunog suno sa bombero.
Naglain ang pamatyag ni Edgardo sa natabo.
Naga celebrate pa siya sang iya birthday subong nga adlaw.