Ang Peace Advocates of Negros ang naga hangkat sa liderato sang Senado nga suguran na ang impeachment trial batuk kay Vice President Sara Duterte.
Naga kabalaka sila sa ila nga pag tan-aw pag delay sa bahin sang Senate leadership sa impeachment trial sang bise presidente sandig sa pahayag nga ila gin pa gwa.
Dugang pa sang grupo, kabahin sang kinamatarong bilang mga citizens ang paghibalo sang kamatuoran sa likod sang gina-alegar misuse of public funds.
Ang pag pangita sang kamatuoran paagi sa impeachment trial ang yara na sa kamot sang Senado suno sa grupo.
Ang kapaslawan sini nagakasayuran nga sila ang nangin remiss sa ila nga panumpa sa pag uphold sang constitution.
Sang Martes ginsiling ni Senate President Chiz Escudero nga ang Senate tigayon na lamang maka issue sang summons sa bise presidente sa June 11 kay wala na sang tion pa nga makapatuman sang trial proceedings antes mag adjourn ang Congress sa June 13.
Sa interview ginsiling ni Escudero nga ang mapatuman lamang sang 19th Congress karon ang pag issue sang summons.
Bangud nga sandig sa rules ang respondent nga si VP Sara may yara sang napulo ka adlaw para magsabat.
Kun mag convene gid man ang senado bilang impeachment court ang masunod nga proceedings mahimo nga ma suspend na tubtob naman sa pag convene sang 20th Congress sa July 28 suno kay Escudero.