Personal nga gin-inspect ni President Ferdinand Marcos, Jr., ang naga padayon nga clearing operations sa Mambuloc Creek sa Brgy 2 sa Bacolod City nga kabahin sang Oplan Kontra Baha.
Si Marcos ang gin-updan ni Department of Public Works and Highways Secretary Vince Dizon kag iban nga DPWH officials, Bacolod Representative Alfredo Abelardo Benitez kag Bacolod City Mayor Greg Gasataya.
Nangin madali ang pagbisita sang presidente sa Mambuloc mga pasado las 12 sang udto kaina. Nag derecho gilayon ang presidente sa Banago Port.
Sa iya ginhatag nga speech sa Banago Port, iya ginsiling nga nag napadulong siya sa Bacolod para mag check sa Kontra Baha program nga una na ginpatuman sa Metro Manila sunod ang Cebu kag karon sa Bacolod.
Kaangay sang gina buhat sa iban nga areas, suno sa presidente, ang dredging kag garbage collection ang gina patuman para mapa hagan-hagan ang pagbaha.
Iya ginsiling nga kun ang mga sapa, suba kag iban nga waterways ang matinluan gikan sa basura kag ma dredge, gina siling sang mga scientists nga mapahagan-hagan ang pagbaha sa 50 to 60 percent.
Dugang pa niya ang programa ang importante, rason nga ini ang ginadala sa mga lugar nga may problema sa baha, labi na sa mga siudad.*