Gin-rescue sang E.B. Magalona Municipal Environment and Natural Resources Office ang isa ka juvenile hawksbill sea turtle nga aksidente nga nakatulon sang dako nga taga ukon fish hook.
Gin-atipan, gin-operahan, kag ginbulong ang pawikan humalin sang na-rescue ini sang Hunyo 7 tubtob ini ang nag-ayo na ang kondisyon kag ginbalik sa kadagatan sadtong Martes, Hulyo 4.
Nakit-an ang pawikan sang mga mananagat sang Barangay Manta-angan sa Eb Magalona.
Ang hawksbill turtle ang isa sa lima ka mga species sang sea turtles nga makita sa Pilipinas kag gina classify bilang critically endangered ukon may 20,000 tubtob 23,000 na lang ka mga nestling females ang naga pabilin.