Mayor Albee Benitez ginalauman nga mahuman ang Panay-Guimaras-Negros Bridge project sa 2028.
Pito ka tuig nga sarang maglawig ang construction sang PGN bridge nga maga angut sang isla sang Panay-Guimaras kag Negros.
Gani sa pagsinapol upod sa Department of Public Works and Highways kag National Economic Development Authority, ginpahayag ni Benitez nga naga serbe chairperson sang Regional Development Council, nga ginduso ang pagkuha sang iban pa nga dugang nga contractors agud tigayon nga madungan ang pag ubra sang duha ka mga mega-bridge.
Positibo ang alkalde nga masuguran kag matapos ang proyekto sa idalom sang Marcos Administration sa 2028.
Sa Disyembre 12 liwat magasapol ang alkalde upod sa pila pa ka mga natungdan nga ahensya para sa ginadihon nga PGN bridge project sa Western Visayas.