Shadow

Panawagan sang Green Alert Network Inc. nga proteksyonan ang Northern Negros Natural Park gin updan sang mga bikers

Mga masobra sa isa ka gatus ka mga bikers ang nag upod sa “Panikad sikad” nga aktibidad nga ginpatigayon sang Green Alert Network Inc. kaina sang aga.

Ini ang pamaagi sang environmentalist group para ipanawagan nga indi pagdayunorn ang gina tukod nga highway nga maga angut sang Silay City, Cadiz City kag banwa sang Calatrava bangud ang amo nga dalan ang maga labay mismo sa Northern Negros Natural Park.

Suno kay Tod Rustee Noel Decendario, Presidente sang Green Alert Network Negros Island Inc., indi nila luyag nga matabo sa amo nga parte sang isla sang Negros nga may magtuluhaw man nga mga resort, kapehan kag iban pa nga nga conmercial establishments kasubong sang natabo sa Barangay Patag sa Silay kag banwa sang Don Salvador Bendicto.

May ginbutang nga lungon sa kilid sang Capitol Lagoon bilang simbolo sang pagkapatay sang nagapabilin nga kagulangan sa Negros kun matigayon ang road project.

May isa ka katapo sang grupo nga ginkalbo para ipakita nga buhok lang dapat ang gina utod kag indi ang mga kakahuyan.

Damlag pa ginpahayag DENR Region 6 nga ginpa untat anay ang amo nga road project samtang gina tun-an pa sang ila legal department.

Secured By miniOrangeSecured By miniOrange