Matapos ang tatlo ka tuig, pagbalik sang Panaad sa Negros Festival ang tuman nga nangin madinalag-on.
Ini suno kay Negros Occidental Governor Eugenio Jose Lacson nga nagsiling sa closing ceremonies sang Panaad sang Domingo, nga ang kahiwataan nag pakita sang pag-isa kag pag buylog sang mga Negrense humalin sa norte nga bahin sini ukon sa San Carlos City padulong sa sur, ukon sa Hinoba-an.
Suno sa gobernador, santo sa tema nga renewed promise, nangin matuod ini sa bug-os nga selebrasyon, bangud indi lamang luyag nga mabawi sang probinsya ang mga bagay kag higayon nga nadula sini sang mag igo ang pandemic, kundi mas mangin maayo pa gid ang tinutuyo kag lab-uton ang full potential sini.
As of 3pm sang Domingo ang sales sang Panaad nag dangat sa masobra 20 milyones pesos gikan sa mga nag pakigbahin nga mga local government units kasubong man mga micro, small and medium enterprises.
Ginpabugal man sang gobernador ang mataas nga crowd turn-out humalin sang Day 1.
May mga international man kag national guests nga nagbisita sa Panaad.