Pamunuan sang Central Negros Electric Cooperative suportado ang gina hinyo sang anum ka mga alkalde nga i-suspend anay ang plebisito para sa Joint venture agreement sang CENECO kag Primelectric Holdings Cooperative.
Anum tanan ka mga alkalde nga nalakip sa areas of coverage sang Central Negros Electric Cooperative ang nagpirma upod sa hinyo ni Bacolod City Mayor Albee Benitez para temporaryo nga i-suspend sang National Electrification Administration ang ginapatigayon nga plebisito para sa joint venture agreement sang Ceneco kag Primelectric Holdings Incorporated.
Ginsiling ni Benitez nga dapat anay malimpyohan ang voters list para sa plebisito. Ini bangud may mga member-consumers nga wala sa listahan sang magaboto kag ang iban suno sa iya ang patay na.
Suportado naman ini ni Ceneco Acting General Manager Atty. Arnel Lapore kag sang katapo sang board of directors.
Sa Hulyo 8-9 ang masunod nga schedule sang plebisito.
Suno kay Lapore magahulat sila sang mangin desisyon sang NEA kun dayunon ukon indi ang plebisito.
Samtang kahapon, nag rally naman sa atubang sang talatapan sang NEA ang katapo sang Anti-JVA coalition agud pamatukan ang kasugtanan sang Ceneco kag Primelectric kag iduso ang pagkilala sang katapo sang interim board of directors sang distribution utility.