Masakit para sa pamilya ni Carl Kimberlyn Degabi, ang babaye nga nasapwan nga patay sa Talisay City nga sa pihak sang gindangtan sang ila nga utod may mga nagabasol pa sa iya sa natabo nga krimen.
May mga naga haboy sang akusasyon bisan wala man sang pormal nga reklamo nga ginpasaka batuk sa iya suno sa iya nga himata.
Masakit man para sa pamilya pamensaron ang iya nga mga inagyan antes napatay.
Ang iya kamatayon ang sa karon na sentro na sa nagkalain-lain nga mga akusasyon pero wala padaug ang biktima suno sa iya nga utod kay wala na siya para depensahan ang iya nga kaugalingon.
Indi nila mahangpan kun ngaa may mga gakalipay sa natabo sa kay Kimberlyn.
Ang pangabay na lang sang pamilya, indi kuntani matabo sa iban ang gindangtan sang iya nga utod.
Padayon sila nga naga pangayo sang hustisya para kay Kimberlyn.
Gintugutan na nila ang autopsy sa bangkay sang biktima para mahibaluan kun ano ang iya ginkamatay.
Nasapwan ang iya nga bangkay sa Barangay Matab-ang sa Talisay sang Domingo sang aga nga wala na sang pang idalom nga panapton.
Nagapadayon ang imbestigasyon sang PNP sa sini nga kaso.