Shadow

Bacolod kag Talisay PNP magabuligay sa pag-usisa sa kamatayon sang babaye nga nasapwan sa Talisay

YouTube player

Joint-investigation ginapatuman sa pagsolbar sang kamatayon sang call center agent nga babaye.

Indi pa mapalayag sang kapulisan ang mga ginakabig persons of interest sa kaso ni Carl Kimberlyn Degabi, 31 anyos nga nasapwan patay sa kilid sang dalan Barangay Matab-ang siudad sang Talisay sang Domingo sang kaagahon.

Pero ginpahayag ni NOCPPO Spokesperson Police Captain Judesses Catalogo nga isa ka joint investigation ang ginpatuman karon sang Talisay PNP upod sa Bacolod City Police Office para matumod ang mga persona nga ulihi nakaupod sang biktima antes pa man nga gin-alegar ginwigit ang iya bangkay sa kilid sang dalan.

Ginahulat pa sang kapulisan ang resulta sang swab test kag autopsy examination agud mapat-ud ang kabangdanan sang kamatayon sang biktima nga call center agent kag kun bala siya ang ginhimuslan.

Samtang, magluwas nga nagahinyo ang kapulisan sang kooperasyon gikan sa mga mangin posible saksi sa krimen, nagapangabay man ang pulis nga kun mahimo mapaiway ang victim-blaming sa tuyo nga mapalab-ot ang hustisya nga ginahinyo sang nalisdan nga pamilya.

Secured By miniOrangeSecured By miniOrange