Indi masarangan sang traditional jeepney operators ang kapital kag pati mga requirement sa ginapatuman nga jeepney modernization program sang Department of Transportation.
Gani isa sa ginatun-an ni Mayor Albee Benitez ang pagtukod sang kooperatiba agud nga mabuligan ang traditional jeepney operators kag drivers organization sa siudad nga apektado sang modernization program.
Gamit ang electric jeepney ginalauman sang alkalde nga ma solusyunan ang problema sa transport sector. Gindugang pa ni Benitez nga posible man magpadayon sa pagbyahe ang may 1,600 ka mga traditional jeepney nga na issuehan sang extended provisional authority sang Land Transportation Franchising and Regulatory Board.
Ini samtang wala pa man nalab-ot ang 1,099 ka mga modernized jeepney nga nagabyahe sa siudad.
Sa Disyembre 31 lang kutob ang provisional authority nga ginagamit sang mga traditional jeepney operators.