Thursday, November 19

Pagtakod sang 240 ka mga CCTV sa Bacolod suguran sa bulan sang Disyembre

Kabahin pa sang proyekto sang siudad kag sang High Data Infrastructure Corporation sa idalum sang administrasyon ni anay Mayor kag subong Bacolod City Lone District Representative Alfredo Abelardo Benite ang pag patukod sang 150 ka mga intelligent street lamp poles sa mga dalanon sang siudad.

240 ka mga moderno nga CCTVs ang igatakod man sa amo nga mga lamp poles, agud makabulig sa pagbantay sa seguridad sa bilog nga siudad.

Ang tagsa ka mga lamp poles ang may yara sang solar-powered nga LED lights kag CCTV.

Ginsiling ni Bacolod City Police Office Director Colonel Eugene Rebadomia nga sa Disyembre, may 50 na ka mga lamp poles ang una nga ibutang.

Suno may Rebadomia, masami nga nagakadugayan ang pag lubad sang mga krimen sa siudad bangud mabudlay magkuha sang mga CCTV footage sa mga pribado nga mga establisimiento rason nga mangin dako ini nga bulig sa kapulisan agud mapadasig ang ila pagsolbar sang mga krimen kag insidente nga nagakatabo sa mga dalan.

Magluwas sini, pinaagi sa moderno nga mga CCTVs, sarang man nga ma detect ang mga salakyan nga naga over speeding kag beating the red light.

Yara sa command center sang Bacolod City Disaster Risk Reduction and Management Office kag sa headquarters sang BCPO ang mga monitor sang amo nga mga CCTVs.

Ang pagpatuman sang mga nagkalain-lain nga mga proyekto sang siudad sa idalum sang High Data ang magalawig tubtob sa 2031.

[sibwp_form id=1]
Secured By miniOrangeSecured By miniOrange