Smog ukon ang nagsamo nga aso kag fog gikan sa Mt.Kanlaon ang nakalab-ot na sa Bacolod.
Gani pagsuksok sang face mask labi nga ginapangabay sa publiko.
Halos nalikop na sang manipis nga smog ang pila ka mga lugar sa Bacolod.
Nag-gwa sa pagpang-usisa sang katapo sang Bacolod City Disaster Risk Reduction Management Office nga ang nagsamo nga aso kag fog nga nasiplatan halin kahapon ang epekto sang pag-alburoto sang Mt. Kanlaon.
Ginsiling ni DRRMO head Dr Anna Maria Laarni Pornan, sarang maka-apekto sa ikaayong lawas ang smog ilabi na sa mga nagabatyag sang respiratory related illness.
Gani panugyan niya ang liwat nga pag-gamit sang facemask agud mapangapinan ang ikaayong lawas batuk sa smog.
Nagligad lang man nga inadlaw sang mapanimahuan ang asupre sa pila ka mga barangay sa Bacolod matapos naglupok ang Mt.Kanlaon sang Lunes sang gab-i.