Guintubdan Mountain Resort sa La Carlota City wala anay naga baton sang mga bisita matapos temporaryo ini nga ginsira sa publiko
Sang maglupok ang bulkan Kanlaon sang Lunes, wala na anay ginbuksan sa publiko ang Guintubdan Mountain Resort sa may Barangay Araal sa La Carlota.
Ang spring water nga palaliguan nangin color blue bangud sang asupre. Wala ini anay ini gina papaliguan. Ang mga tanum sa palibot nagkala laya ang dahon bangud sang ashfall.
May mga katigulangan kag kabataan nga nag masakit, kalabanan gina ubo gani nagpatigayon sang check-up didto ang City Health Office. Ang masako nga mga kapehan daw nangin ghost town.
Suno kay Ronnie Sumugat isa sa mga trekking guide, gin abisuhan sila sang DENR nga indi anay magbaton sang bisita kag indi anay pwede ang mag trekking sa kabukiran nga kabahin sang Northern Negros Natural Park. Magapatigayon pa sang assessment ang DENR sa ibabaw sang kabukiran.