Martes nga adlaw, ginpatigayon ang isa ka Committe Hearing sa pagpanguna ni Councilor Homer Bais, pamuno sang Committee on Environment, may angut sa iya ginaduso nga ordinansa nga magahimo sang isa ka joint-team para sa pagbantay kag pag-usisa sa mga aktibidad sa Sanitary Landfill sa Barangay Felisa.
Ang ordinansa nga ginaduso ang pagatawagon nga Landfill Inspection, Monitoring, and Investigation Team ukon LIMIT.
Suno kay Bais, ang composition sang ini nga team ang nagikan man sa nanari-sari nga mga grupo, lakip na ang mga Non-Government Organizations, Barangay Council sang Felisa, Bacolod LGU, kag iban pa nga mga ahensya sang gobyerno.
Kun tigayon na nga mapasa ang ordinansa, ang ini nga grupo ang magpakigbahin sa tanan nga mga testing, kag aktibidad sa landfill.
Samtang, nagapati man si Bais nga mangin isa ka asset sa LGU si anay General Manager sang BACIWA Mona Dia Jardin matapos ini nga gin-appoint ni Mayor Greg Gasataya bilang Executive Assistant for Environment and Special Programs.
Suno sa iya, dako ang mabulig ni Jardin sa pag lubad sang problema sa Barangay Felisa bangud nakapungko man di siya bilang punong Barangay.
[sibwp_form id=1]