
Pagpatuman sang curfew for minors sa mga barangay sa Bacolod ginapanawagan, kabahin sa pagpabaskog sang seguridad.
Sa pagsugod sang klase kinahanglan nga mapaiway ang pag-istambay sang mga menor de edad sa mga computer shop kag ilabi na sa mga ilimnan.
Gani panawagan ni City Legal Officer Atty. Romeo Carlos Ting, Jr., kinahaglan nga mapabaskog ang pagpatuman sang cufew for minors sa mga barangay.
Nakasaad sa city ordinance nga dapat mapatuman ang 10pm asta 4am nga curfew for minors.
Nagapati si Ting nga dako man ang mabulig sang kabarangayan agud mapabaskog ang kampanya sa peace and order kag mapahagan-hagan ang paglapta sang fake news may angut sa gina- alegar insidente sang abduction.