Gina abi-abi sang mga opisyales gikan sa Negros Occidental ang mga ginpatpat ni Presidente Marcos sa iya nga State of the Nation Address.
Ginsiling ni Deputy Speaker kag Bacolod Lone District Representative Alfredo Abelardo Benitez nga grounded ang nangin SONA sang presidente. Ginsabat sini ang mga pamangkot sang pumuluyo.
Ginasuportahan niya ang mga proposed nga amendment sa Electric Power Industry Reform Act. Suno sa iya gina duso ang targetted nga amendment sa kongreso tigaylo overhaul sa bilog nga laye para makapatuman sang mas madasig nga reforms lakip na ang pag kakas sang system loss charges nga gina pasa sa mga konsumedor.
Bahin sa flood control ginsiling man ni Benitez nga ang Oplan Kontra Baha sa Bacolod nakitaan na sang resulta kasunod sang mga mabunok nga ulan. Dugang pa niya may dugang nga River Warriors nga iga deploy para mapadayon ang programa.
Sa iya nga bahin ginsiling naman ni 3rd District Rep Javier Miguel Benitez nga ang July 27 nga SONA sang presidente isa sa iya “better SONAs” kun sa diin ginsugata sang tuman nga pag palakpak ang ginduso nga Sariling Kuryente Act kag panawagan sang pagkakas sang system loss charges kag value added tax angut diri, gikan sa balayran sa kuryente.
Gina abi-abi niya man ang gina duso nga tax relief sa mga middle-class earners.
Pero ginsiling man ni Congressman Javi nga ginlauman niya man kuntani ang pagtalakay angut sa sugar industry, creative industries kag ang mga implication sang artificial intelligence.
Para kay Bacolod Mayor Greg Gasataya gina affirm sang SONA ang HEART agenda sang siudad nga na align sa direksyon sang national government. Gina abi-abi niya man ang panawagan sa pag amend sang EPIRA kag ang pag dumili sang pagpasa sang system loss charges kag VAT.
Para naman kay Governor Eugenio Jose Lacson, gina abi-abi niya ang tikang sang administrasyon para ma sustain ang progress nga nalab-ot labi na ang bahin sa pag expand sang Philhealth coverage kag benefits.
Ang pahayag ni Presidente Marcos angut sa mga kaso nga gina handa sang Ombudsman may kaangtanan sa flood control issues ang balantayan sang publiko kag gina paabot nga matigayon lab-ot ang hustisya.
[sibwp_form id=1]