Padayon ang pag pang clamp kag paghatag sang violation tickets sa mga salakyan nga gina park sa main highway, samtang peke nga driver's license nakumkpiska sa Barangay Villamonte sa Bacolod.
Sa una nga tulok, masiling nga original ang ini nga driver's license apang sa paglantaw sang Bacolod Transport and Traffic Management Department ukon BTTMD, peke gali.
Ini ang nakumpiska sa isa ka persona sa Akishola Village sa Barangay Villamonte kaina sang aga samtang nagapatigayon sang operasyon ang mga katapo sang BTTMD.
May anum naman ka salakyan ang gin-clamp sa amo nga lugar samtang may duha naman ka motorsiklo kag duha pa gid ka tricycle ang gin-tow.
Kadungan sini, may 12 ka mga salakyan kag motorsiklo sa Purok Riverside sa Barangay Banago, ang ginhatagan sang BTTMD sang Notice of Violation.
Ini bangud sa kilid sang dalan na naga-park.
Sandig sa City Ordinance 09-17-818, sarang nga i-tow sang BTTMD ang salakyan kun indi pa ini makuha sang tag-iya sa kilid sang dalan sa sulod sang 24 oras matapos siya ang ginhatagan sang notice.
Una na nga ginsiling ni Atty. Reuben Mikhail Sabig, pamuno sang BTTMD, nga bisan ang mga guba nga mga salakyan ukon motorsiklo ang ila sa gihapon i-tow kun nagasablag na ini sa dalan.
[sibwp_form id=1]