Sa tuyo nga mapasiguro nga mangin malinong kag matawhay ang nagahilapit nga MassKara Festival celebration, ginhinyo sang katapo sang konseho sang Bacolod sa pamunuan sang Bacolod City Police Office kag iban pa nga natungdan nga ahensya nga mapabaskog pa ang kampanya kontra iligal nga droga.
Suno kay Councilor Claudio Puentevella, kabahin sa dapat man mapaiway ang baligyaanay sang mga party drugs pati na mga sigarilyo kag makahulubog nga ilimnon sa mga menor de edad.
Ang action officer sang anti smoking ordinance nga si Jonald Pamposa nagpasalig na nga tagaan nila sang atensyon ang pag inspeksyon sang mga baligyaan pati na mga tiangge nga nagabaligya sang sigarilyo kag alcoholic drinks malapit sa Bacolod Public Plaza kag sa Bacolod City Government Center.
Ang Philippine Coast Guard ang magadugang naman sang tatlo ka mga K9 unit para magbulig sa pagpasiguro sang malinong kag matawhay nga tuigan nga selebrasyon sa Oktubre.