Nakuhaan sang video ang pagtabok sang mga pumuluyo sa lapit hawak nga kadalumon sang tubig sa suba nga sakop sang Barangay Pindahan sa banwa sang Tayasan, Negros Oriental sadtong Martes.
Makita nga hinay-hinay nga nagatabok ang mga residente sa baha, pila sa ila ang naga-aba sang ila mga kabataan, samtang ang iban ang nagabakintol sang ila mga binagtong.
Apang samtang nagatabok, may isa ka lalaki nga gulpi lang gin-anod sang makusog nga daludo sang tubig.
Wala nagpangduha-duha ang isa ka persona nga ginkilala kay Charlie Sotillo nga salbaron ang nasambit nga lalaki.
Suno sa mga pumuluyo, madugay na nila nga problema kun paano sila makatabok sa suba kada nagataas kag nagabaskog ang daludo sang tubig.
Gani, nagapanawagan sila sa gobyerno nga sila ang buligan nga mabutangan sang taytay ang lugar.
[sibwp_form id=1]