Pila ka mga lugar sa sur nga bahin sang probinsya ang may pag baha dala sang pag ulan kaina sang aga.
Suno kay Irene Bel Ploteña ang pamuno sang Provincial Disaster Risk Reduction Managment Office, nalakip sa mga may pag baha amo ang mga dalan sakop sang Dancalan, Vista Alegre kag Galicia sa banwa sang Ilog, lakip na ang highway padulong sa Cauayan.
Pero tigayon na nga nag subside ang tubig.
Paathag ni Ploteña catch basin gid man ang amo nga mga lugar nga sa kada pag ulan may pag baha.
Ang ulan tuga sang thunderstorm suno kay Ploteña.
Sa pihak nga bahin, light vehicles lamang ang gina tugot karon makalabay sa Calapnagan Bridge sa Biaknabato sa La Castellana matapos nga nag usmod ang tatay dala sang muddy stream flow nga nag guab sa idalom sang taytay sa nagligad nga adlaw.
Samtang sini nga hapon nag cancel sang klase ang banwa sang Hinobaan bangud sang mabunok nga ulan.
Suno kay Ploteña may yara sang gina monitor karon nga Low Pressure Area nga naga apekto sa sur nga bahin sang Negros Occidental.
Sa report sang PAGASA ‘unlikely man nga mag develop sa tropical depression ang LPA sa masunod nga 24 oras.
Samtang ang severe tropical storm nga may international name nga ‘Dujuan’ ang gina monitor man sagwa sang Philippine Area of Responsibility.
“May LPA ta. Kita mo ang LPA daw ga form siya within the Visayan sea and then ang southern part ta amo na siya ang naga ka apektuhan gid”, suno kay Ploteña.
[sibwp_form id=1]