Shadow

Paghatag sang booster shot sa health care workers sang Negros Occidental suguran sa madason nga semana

Photo courtesy of Dr Mary Ann Maestral

Gintalana nga sa madason nga semana magasugod ang Negros Occidental sa ila sini nga pagbakuna para sa booster shots sa mga health care workers.

Suno kay Dr Claudelia Pabillo, ang in-charge sang vaccine distribution sang probinsya kaina man lamang nila nabaton ang guidelines. Unahon ang mga hospital staff kag ini ang batch by batch.

Pero, ang Teresita Lopez Jalandoni Provincial Hospital ang nagsugod na sa ila nga booster shots kaina. Ini bangud suno kay Dr Mary Ann Maestral ang chief of hospital handa ang ila nga masterlist kag may supply man sila sang bakuna.

Pfizer ang gamiton nga booster shots suno kay Pabillo. Pero sa gihapon ang pagbakuna sa general population ang mangin prayoridad kag ini ang basehan sa pag lab-ot sang herd immunity.

Suno kay Pabillo isa sa ila nga pagpanghangkat nga gina atubang sa kampanya amo ang mga indibidual ukon grupo nga anti-vaccine. Ehemplo diri ang lider sang simbahan ukon pastor nga may impluwensya man sa iya nga kongregasyon. Luyag nila nga masugilanon man ang amo nga mga grupo.

Leave a Reply

Your email address will not be published. Required fields are marked *

Secured By miniOrangeSecured By miniOrange