Humalin sa pagpadala sang kwarta, pagbayad sang bills, kag pagbakal sang load, mahimo nga sa masunod pwede na maka-angkon sang shares sang GCash ang pumuluyo sang Bacolod City kag Negros Occidental.
Nagahanda na ang Mynt, ang parent company sang GCash, sang ila initial public offering ukon IPO para sa publiko.
Paagi sini, mahimo makabakal sang shares ang mga interesado kag mangin kabahin sang mga tag-iya sang negosyo.
Base sa press release sang GCash, gintawag sang business commentator kag market observer nga si Mon Monson ang ginaplano nga pagtanyag nga “Pambansang IPO,” bangud pamilyar ang madamo nga Pilipino sa serbisyo nga ila ginagamit adlaw-adlaw.
Ginpaathag ni Monson nga bisan indi kilala sang iban nga Pinoy ang mga kumpanya sa nagligad nga mga IPO, kilala nila ang GCash bangod personal nila nga ginagamit ang mga serbisyo sini.
Para sa mga interesado nga mga investors, makagamit sang mga serbisyo nga pinansyal ang may GCash account, samtang makaangkon naman sang bahin sa pagpanag-iya sang Mynt ang pagbakal sang shares sini sa IPO.
Indi awtomatiko nga mangin shareholder sang Mynt ang isa ka tawo tungod lamang nga may GCash account siya.
Ginpaathag niya nga mahimo mangin mas mahapos hangpon ini kun kilala na sang mga tawo ang produkto kag ang gamit sini sa ila kabuhi.
Ginapadayon sang Mynt ang pagpaayo sang ila serbisyo paagi sang pagpalapad sang access sa serbisyo nga pinansyal, kag paghatag importansya para sa mga nagagamit, partners kag investors samtang ini naga-preparar sang ila opisyal nga public listing.*
[sibwp_form id=1]