Ginsugdan na subong nga adlaw ang pagbakuna sa mga menor de edad nga may co-morbidities.
Sa Negros Occidental, ginpatigayon ang pagbakuna sa Teresita Lopez Jalandoni Provincial Hospital.
Ang mga opisyales sang probinsya sa pagpamuno ni Governor Eugenio Jose Lacson ang nag panguna sa launching sang vaccination program for Pediatrics A3.
Pfizer ang bakuna nga gin gamit sa mga kabataan nga naga pang edaron 12 tubtob 17 anyos nga gikan sa nagkalain lain nga banwa kag siudad sa Negros Occidental.
Target kuntani sang probinsya nga mabakunahan ang 300 ka mga kabataan pero, suno kay Provincial Administrator Rayfrando Diaz, madamo sang nag postpone bangud sang mga requirements nga ginsunod patuman sang probinsya.
Gina paabot man ang pagbutang sang vaccination center sa ospital sa Cadiz kag Kabankalan para sa kabataan.
Sa Bacolod naman, sa Riverside College ginpatuman ang pagbakuna sa mga kabataan nga may co-morbidity.
882 ka kabataan ang naka register online para sa subong nga adlaw nga pagbakuna kag sa Nobymebre 3 tubtob 4 suno kay Em Ang, Bacolod EOC executive director.
Ang iban nga mga kabataan nga may co-morbidity nga naka register online ang natalana bakunahan sa SMX kag Ayala Mall sumugod Nobyembre 3.
As of October 29 suno kay ang, 5,776 ang naka register online.