Shadow

Mga LGU wala maka preparar para sa requirements sa pediatric vaccination

Magapadayon ang pagbakuna sa mga menor de edad nga may co-morbidity sa Teresita Lopez Jalandoni Provincial Hospital sa Silay City.

Sa Miyerkules kag Hwebes magapadayon ang pagbakuna. Sang nagligad nga Biernes ginsugdan na ini kadugangan sa national nga launching. 77 ka mga menor de edad ang nabakunahan sa Negros Occidental. Manubo ang turn-out.

Paathag ni provincial administrator Rayfrando Diaz, wala nahandaan sang mga local government unit ang mga requirement.

Dugang pa ni Diaz, wala nalakip ang Negros Occidental sa pilot areas. As of press time maga sapol pa ang probinsya sa mga duktor bahin sa pagpatuman sang pediatrics A3 vaccination sa mga ospital sa Cadiz kag Kabankalan, lakip naman ang pagbakuna sa general pediatrics.

Padayon ang pag pabaskug sang Negros Occidental sa vaccination program sini. May pagnubo man sa kaso sang Covid-19 sa karon, suno kay Diaz indi dapat mag kumpiansa ang publiko.

Leave a Reply

Your email address will not be published. Required fields are marked *

Secured By miniOrangeSecured By miniOrange