Patay ang 30-anyos nga manugpatad sang STL matapos mabun-an sa Crossing Tilok, Purok 5B sa Barangay Guiljungan sa banwa sang Cauayan, Negros Occidental sadtong Sabado sang hapon.
Ang suspek, ginkilala kay alyas “Mar”, 35-anyos, isa ka manugpataya sa STL.
Nagwa sa imbestigasyon nga nagapataya ang suspek sang nagpalapit ang biktima nga si alyas “Alan” kag nagreklamo nga siya ang nagdaog.
Naglalisay sila sa resulta sang STL tubtob nga nag-gabot sang sundang ang biktima. Ginlagas sini ang suspek tubtob nga na-corner.
Lipod sa ihibalo sang biktima, may yara man gali sang sundang ang suspek kag iya ginbuno ang biktima sa lawas.
Ginhingagaw dala sa ospital ang biktima apang siya ang nagtaliwan.
[sibwp_form id=1]