Duha ang patay kag isa ang pilason sa nagluntad nga pagbinun-anay kag paglab-anay sa Sitio Balangigan, Barangay Guinpana-an sa banwa sang Moises Padilla, Negros Occidental, sang Sabado.
Ginlabo kag napatay sang 23-anyos nga lalaki ang iya 91-anyos nga lola matapos ang ila paglalisay tungod nangayo sang kwarta ang suspek apang wala ini mahatagan sang biktima.
Sang makita sang 84-anyos nga lolo ang insidente, nagkuha ini sang sundang kag ginbuno ang apo sa dughan, tiyan kag ulo.
Nagbalos ang apo kag ginlabo ang iya lolo sa ulo kag kamot.
Nasapwan na lang sang ila himata ang pilason nga lolo sa pwertahan sang balay.
Gindala ang lolo sa ospital sa Bacolod City, samtang gindeklarar naman ang lola kag ang apo sini nga dead on arrival.
[sibwp_form id=1]