Nagdangat sa 21.5 million pesos ang kabug-osan nga benta sang mga nag renta sang kiosko sa Bacolod City Government Center kag Bacolod City Public Plaza nga festival sites sang ika 47 nga MassKara Festival suno sa Bacolod Gugma Foundation Incorporated.
Ini ang 26.1 percent ukon 4.44 million pesos nga mas mataas kun ikumpara sa sales sang tinalikdan nga MassKara Festival.
Suno sa foundation, wala naman sang extension nga ginpangayo ang mga concessionaires bangud halos tanan nakabawi naman kasunod sang pagsaka sang sales.
Ang mga kiosk sa palibot sang Bacolod City Government Center ang may 9.14 million pesos nga sales nga 76.3 percent nga mas mataas sang sa last year samtang 12.35 million pesos naman ang sales sa Public Plaza nga 4.1 percent nga mas mataas sang tinalikdan nga tuig.
Suno kay Christopher Mallo, Food Kiosk Management Head, nga wala pa madala sa isip sang 21.5 million nga sales ang mga benta sa Lacson Tourism Strip.
Sa assessment naman sang Bacolod City Police Office nagdangat sa 63,000 ang festivalgoers nga yara sa mga major festival sites sa ulihi nga adlaw sang selebrasyon.
Ang pagsaka sang foot traffic sa Lacson Strip ang ginpaabot man sang foundation nga magpasaka pa gid sang total sales sang MassKara Festival.
Sa karun, padayon pa nga gina consolidate sang foundation ang kabug-osan nga benta sa MassKara.
[sibwp_form id=1]