Gina-abi abi kag ginakalipay sang pila ka mga grupo ang pag release sang Comelec sang withdrawal form para sa mga yadtong luyag magbawi sang ila nga pirma para sa People’s Initiative sa pagligwat sang konstitusyon.
Para sa abogado nga si Cesar Beloria, Jr., nga damlag pa nag kampanya sang pag withdraw sang mga lagda angut sa iya gina tawag peke nga people’s initiative, nalipay siya sa amo nga development bangud ang proseso nga iya ginaduso, suno sa iya gin-observe man sang COMELEC.
Suno kay Beloria naga hulat siya sang isa ka centralized nga lihok para ma faciliate ang withdrawal sang mga lagda karon nga may uniform na nga pormas kag ang kinahanglan nga iga comply na lamang. Sa iya nga bahin, naka istorya na siya sa staff ni Sen Joel Villanueva kag naga pakig-angut pa sa staff ni Senador Imee Marcos.
May 248,938 ka mga lagda nga naga suporta sa People’s Initiative ang tigayon na submit sa talatapan sang COMELEC gikan sa nagkalain-lain nga siudad kag banwa sa Negros Occidental.
Sa senate committee hearing on electoral reforms and people’s initiative ginsiling ni Senador Ronald dela Rosa nga may yara sang luyag nga mag withdraw sangila nga lagda sa people’s initiative. Gani ang COMELEC para ma record ang amo nga mga manifestation ang nag issue sang withdrawal form of signature in signature sheets /Petition for People’s Initiative.
“Nalipay kita because of that but of course ang gina bantayan naton because despite sang form ngana may ara nga na note ang COMELEC nga naga hambal nga this is not yet part sang ila Resolution 10635, indi gyapon ni kabahin sang petition for initiative and yet ma issue lang sila sang form after na sang commitment sang COMELEC chairman during the senate hearing”, suno kay Beloria.