Patay si July Jaruyan, 37 anyos kag katapo sang Himamaylan Rescue Team matapos matumba ang iya nga motor sa Barangay 2, sa siudad sang Himamaylan sang Miyerkules.
Suno sa hepe sang Himamaylan City PNP nga si Police Lt Col Anthony Grande, naga sakay ang biktima sa iya motorsiklo gikan sa Binalbagan padulong sa Kabankalan.
Paglab-ot sa lugar sang aksidente, hinali lamang may nagtabok nga ido rason nga naghinali man ini preno agud indi niya ini madalasa.
Pero nadulaan siya sang kontrol sa motorsiklo kag nalampos ang iya nga ulo sa semento gani sang iya pagkaangkon sang serious head injury.
Suno kay Grande gindala pa sa Gov. Valeriano M Gatuslao Memorial Hospital si Jaruyan apang ini ang ginbawian sang kabuhi.*