Provincial Administrator sang Negros Occidental ang naga hulat sang mando gikan sa DILG agudto nga sya ang ma reinstate.
Ini kasunod man sang ginpapanaog nga desisyon sang Office of the Ombudsman nga nagapalip-ot sang supension may angut sa reklamo nga conflict of interest batuk kanday Provincial Administrator Rayfrando Diaz kag Executive Assistant Chery Sheil Villanueva nga pamuno sang Bids and Awards Committee gikan sa anum ka bulan padulong sa isa na lamang ka bulan.
Ginsiling sang Ombudsman nga ang original nga penalty nga gin-impose indi commensurate ukon indi santo sa infraction ukon paglapas nga nabuhat. June 8 nagsugod sang voluntary suspension kanday Diaz.
Suno sa Provincial Administrator nalipay sila sa amo nga development pero hulaton nila ang reinstatement sang DILG.
Pero sila sa gihapon ang maga file sang appeal sa Court of Appeals sa sulod sang kinse ka adlaw, bangud luyag nila mapamatud-an ang ila nga innocence.
Naga panindugan sanday Diaz nga wala sang conflict of interest nga natabo angut sa expropriation case nga gin-file sang Binalbagan kasunod man sang ila nga pag tiglawas sa kumpanya nga isa sa mga defendant sa amo nga expropriation case samtang sila ang nagaserbe man nga provincial administrator kag executive assistant.
Na dismiss na ang iban nga administrative complaints kag pending sa korte sa Himamaylan ang criminal case suno kay Diaz.
Ila man gin appeal sa Korte Suprema ang criminal case.
Samtang nagpsasar naman sang resolution ang Progressive Alliance of Capitol Employees nga naga pasalamat sa Office of the Ombudsman sa nangin paborable nga decision para kay Diaz kag Valenzuela.