Sang tinalikan nga bulan sang Oktubre, ginpatuman sang Bacolod LGU ang pag-regulate sang pag-gamit sang drone para sa MassKara Festival kabahin sang pagpabaskog sang seguridad sa tuigan nga kahiwatan.
Pero sa ginpatigayon nga session, ginduso ni Councilor Jason Villarosa ang liwat nga pag-regulate sang pag-gamit sang drone sa siudad.
Paathag ni Villarosa, kinahanglan ma-rehistro kag ma-account ang mga drone agud siguro nga mapaiway ang posible pagluntad sang disgrasya gamit ang drone kag ang ma pangapinan ang privacy sang pumuluyo.
Kabahin sang tinutuyo ang pagtalana sang no fly zone sa siudad.
Plano sang konsehal nga magpatawag sang public hearing angut sa proposed ordinance upod sa mga nagkalain-lain nga sector, nalakip diri mga commercial establishment, drone operator kag katapo sang media.