Gindumdom sang siyudad sang Escalante kaupod ang 79th Infantry Battalion sang Philippine Army, ang ika 37 na ka tuig sang gina tawag nga Escalante Massacre paagi sa isa ka programa sa Escalante Public Plaza sang kahapon.
Gindumdom ang mga biktima sang massacre paagi sa wreath laying kag ang traditional 21 gun salute bilang pag kilala sa kamatayon sang masobra 20 ka mga mangunguma. Setyembre 20 1985 sang mag patigayon sang protest rally ang nagkalain lain nga mga grupo agud i-commemorate ang ika 13 nga anibersaryo sang declaration sang Martial Law sang magluntad ang maduguon nga pag paniro sa mga ralyista.
Kaundan sang mensahe ni Escalante City Vice Mayor Rogelio Prietos amo ang pagdula na kun tani sang kaakig sang mga pamilya kag himata sang mga biktima kag magpadayon sa pag patawad kag pag baton sa mga natabo sadto agud sila ang maka move on na sa ila nga mga kabuhi.
Ini amo man ang nangin panawagan ni Lt.Col. J-jay Javines nga Commanding Officer sang 79th IB.
Iya man gin seguro ang pagbuligay sang army, PNP kag lgu para sa seguridad kag ikaayo sang mga pumuluyo sa probinsya.