Merging sang ENRO kag DPS ginaduso agud nga mapasanyug pa ang pagserbisyo sang departamento sa pihak sang kakulang sang personnel.
2021 sang natukod ang CENRO Level-up ordinance nga nagatuyo kuntani magpasanyug sang City Environment and Natural Resources Office.
Pero sang nagtaliwan ang anay pamuno sang ENRO, isa na lang ka drayber ang regular nga nagatrabaho sa amo nga opisina.
Gani ginduso ni Councilor Claudio Puentevella nga ma-ammend ang natukod nga ordinansa agud ma-merge na lamang ang ENRO office nga karon yara naman sa opisina sang Department of Public Services.
Nagapati ang chairperson sang Committee on Environment nga sa amo nga pamaagi mas mapasanyog sang local government ang environmental management programs.
Sa idalom sang igatukod nga Bacolod Environment and Natural Resources Office ukon BENRO plano sang siudad nga magdugang sang personnel kag ibalik sa DPS ang mga anay empleyado nga na-reassign sa pila ka mga departmento agud mapun-an ang nabakante nga mga position.