Siudad sang Talisay ang nagsugod sang road clearing operation sini angut sa mandato sang Department of the Interior and Local Government.
Sang Hwebes ginsugdan sang siudad sang Talisay ang clearing operation sa pagpamuno sang City Legal Office upod ang Talisay Bureau of Fire Protection, Talisay PNP kag iban pa gid nga ahensya nga katapo sang road clearing Task Force sang siudad.
Sa ginpalayag sang PIO Talisay sa page sini, ang clearing activities ang may kaangtanan sa pagpatuamn sang DILG Memorandum Circular 2023-17 nga nagapatuman sang Barangay Road Clearing Operation.
Ini ang gina suportahan man sang SP Resolution 2023-001.
Hwebes sang aga ginpatigayon ang road clearing operation sa Bangga Fisheries, Burgos Extension kag Barangay Zone 2.
Tinutuyo sang amo nga tikang ang paghilway sang mga barangay kag city roads gikan sa ano man nga mga obstruction ukon mga bagay nga naga sablag nga mahimo makatuga sang peligro ukon disgrasya sa mga motorista kag mga nagalinabay.