Indi luyag ni Mayor Albee Benitez nga ma-delay ang pag-deliver sang ginakinahanglan nga water supply halin sa Matab-ang River sumugod, sa Huwebes, Abril 24.
Amo kun ngaa ginpatawag, niya ang Baciwa-PrimeWater upod sa Negros Power pati na ang mga natungdan nga ahensya kag city department para matigayon ang pag-inject sang dugang nga 3 million liters a day (MLD) nga supply sang tubig.
Kalabanan sa mga barangay sa norte nga bahin sang siudad ang maga benepisyo sa dugang nga supply sang tubig halin sa bulk water supply project.
Ginpahayag sang alkalde nga bangud sang tig-ilinit nag-nubo ang water supply halin sa 84 MLD pakadto sa, 77MLD.
Gani importante, nga matigayon ang mga tikang dungan sa pag-comply sang mga nagakaigo nga permits sang Baciwa-PrimeWater para sa dugang nga tubig. Halin sang
nagligad nga semana, ginsuguran na sang water distribution utility kag Bacolod LGU ang pag-install sang mga water tanks kag pag-rasyon sang tubig para sa mga barangay nga apektado sa kakulang sang water supply.