Ginpahayag ni Dr Liland Estacion, ground commander sang Inter Agenct Task Force sa Negros Oriental nga gina usisa na karon sang IATF ang gina alegar fake swab test result gikan Negros Oriental nga dala dala kag gin gamit sang 20 ka construction worker nga maga trabaho kun tani sa Bohol.
Sandig sa report sang Philippine News Agency, ang insidente ang natukiban sang tinalikdan nga semana matapos gin pa verify sang probinsya sang Bohol sa Negros Oriental ang dala nga RT PCT results sang mga construction worker bilang requirement sa pag sulod sa probinsya, kag didto naibaluan nga peke ang mga dokumento.
Suno sa IATF, yara na sa legal team kun ano ang posible pangatubangon nga kaso sang mga trabahador kag ila man usisaon ang employer sang mga ini.