Indi pa tion agud ihaboy sa basurahan ang mga faceshield nga sadto anay mandatory nga ginapasuksok sang Inter Agency Task Force sa mga pampubliko nga lugar agud mas mapunggan ang posible paglapta sang Covid-19.
Suno kay Em Ang, executive director sang Emergency Operations Center, gina-recommend sang Department of Health ang pagsuksok sang faceshield tuga man sang kahangawa nga dala sang Omicron variant.
Bisan ang mga doktor ang nagapati nga dako ang mabulig sang faceshield upod sa pagsuksok sang facemask para doble man nga mapangapinan ang kaugalingon batuk sa Covid-19 infection.
Sandig sa pagsulundan sang IATF, boluntaryo lamang ang pag gamit sang faceshield sa mga lugar napaidalom sa alert level 1 asta alert level 3.
Magadepende naman sa local government unit ang desisyon nga ibalik ang mandatory use of faceshied sa idalom sang alert level 4.
Kinahanglan naman magsuksok sang faceshield sa mga lugar nga napaidalom alert level 5, ilabi na sa area nga yara sa granular lockdown, mga healthcare facility kag quarantine facilities.