Shadow

Mga malls wala na naga require sang face shield, iban nga commercial establishments naga require sa gihapon

Kadam-an sa mga nagalinya sa mga vaccination area sa mall ang makit-an nga wala na nagasuksok sang faceshield kaina sang aga.

Suno sa tagdumalahan sang SM City Mall kag Ayala Mall Capitol Central pagsunod ini sa presidential memorandum kag executive order angut sa boluntaryo nga pag-suksok sang faceshield sa mga lugar nga napaidalom sa alert level 3 panubo.

Ang Bacolod ang yara sa alert level 2.

Pero bisan pa ginkakas na ang pagsulundan angut sa mandatory use of faceshield may yara sa gihapon sang mga indibidwal nga nagasuksok sang faceshield, ilabi na mga empleyado sang mall kag security personnel nga yara sa mga entrance area.

Ang katapo sang Metro Bacolod Chamber of Commerce and Industry upod sa man sa pamunuan sang emergency operations center nagahaylo sa mga empleyado kag gina-recommend man sa gihapon ang pagsuksok sang faceshield.

Sa downtown area, may nagabaligya gihapon sang faceshield bangud required ini sa mga customer nga nagasulod sa pila ka mga commercial establishment kasubong sang mga department store kag mga banko.

Ginpahayag sang mga lokal nga opisyales sang siudad nga bisan indi na obligado ang pagsuksok sang faceshield sarang gihapon ini nga mapatuman sa mga pribado nga komboyahan.

Leave a Reply

Your email address will not be published. Required fields are marked *

Secured By miniOrangeSecured By miniOrange