Kadam-an sa mga pampubliko nga eskwelahan ang indi makasarang sa pagbakal sang mga plastic barriers sa mga arm desks sang classroom.
Gani as baylo nga plastic barriers, gina-recommend ni Riggi Lachica, principal sang Estefania Elementary School ang liwat nga pag-gamit sang faceshield sang mga estudyante sa pagbalik man sang in-person classes nga magasugod sa Agosto 22.
Para kay Lachica, dako man nga bulig ang faceshield agud bisan paano makit-an sang mga manunudlo ang facial expressions sang mga estudyante ilabi na sa mga class recitations.
Sa advocacy meeting sang eskwelahan, ginpabutyag sang pamunuan sang eskwelahan ang kakulang sang classroom kag manunudlo.
Gani kasubong sang nagliligad nga school year, liwat man nga magapatuman sang 2 session classes ang mga manunudlo agud ma-accomodate ang kadamuon sang mga magabalik eskwela nga estudyante.
Pinaagi man sa brigada eskwela ginahaylo sang Department of Education ang mga komunidad para mabuligan ang mga estudyante kag manunudlo sa eskwelahan.
Sa pagbalik sang in-peson classes liwat man nga igapatuman sang DEp Ed ang mental health program agud mapahagan hagan ang kabudlayan sang mga estudyante sa transition.