Gin-aprubahan na sang Solid Waste Management Board sang Bacolod City ang hingyo sang siudad sang Victorias nga i-dispose ang ila nga basura sa Sanitary Landfill sang Bacolod sa Barangay Felisa.
Naghatag naman sang legal opinion ang City Legal Office nga naga-pabor sa tinutuyo sang Victorias.
Ginsiling ni City Legal Officer Karol Joseph Chiu nga sa idalum sang layi, gintugutan ang amo nga hingyo sang Victorias sa Bacolod. Inu agud mapabaskog ang kooperasyon sang duwa ka siudad.
Sandig sa hingyo sang Victorias, 30 cubic meters ang ila nga tuyo nga i-ula nga basura sa landfill sang Bacolod kada bulan.
Dugang ni Chiu, masarangan man sang siudad nga i-accommodate ang residual waste sang Victorias bangud natalana naman nga magabukas ang cell number 5.
Ginbaton na sang Sangguniang Panlungsod ang rekomendasyon sang nga magatugot sa pag pirma sang Memorandum of Agreement sa duwa ka siudad, apang padayon pa nga gina-usisa sang SP ang kapasidad sang landfill.
Wala man sang balayran ang Victorias sa Bacolod kun matigayon na nga mapirmahan ang nasambit nga MOA.
[sibwp_form id=1]