Pag-deputize sang barangay staff, PNP ginaduso para sa igatukod nga animal welfare desk. Pag-issue sang citation ticket sa mga violators ginatun-an sang siudad.
Sa committee meeting sang konseho angut sa Animal Welfare Ordinance naduso ang pagdeputize sang mga barangay staff kag police personnel nga sarang mapalapitan sa mga iga pahamtang nga animal welfare help desk sa mga barangay sa Bacolod.
Ginsiling ni Assistant City Veterinarian, Dr. Jec Cabuguason, importante nga ma-establish ang mga help desk agud mas mapabaskog ang kampanya para mapangapinan ang mga sapat. Nagapati siya nga paagi diri sarang mapasanyog ang animal welfare advocacy pati sa mga kaiping nga mga banwa kag siudad sa probinsya.
Ginatun-an pa gid karon sang City Veterinary Office ang pagdihon sang mga tikang para sa posible issuance sang mga citation ticket sa mga violators, nalapit na diri sa mga irresponsible pet owners. Kabahin sa ginpanawagan sang City Vet sa mga nagtambong nga punong barangay kag representatives ang pag parehistro sang mga ido kag kuring para mapabaskog ang mga programa bahin anti rabies kag responsible pet ownership.