BacCHP members naglab-ot na sa masobra 135,000 paagi sa registration program sa mga barangay sa Bacolod. Humalin sang ginsuguran sang Bacolod LGU ang BacCHP registration program sa mga barangay sa siudad, naglab-ot na sa masobra 135,000 ang dugang nga miyembro sang comprehensive health program.
Gani halos 400,000 na ang kabilugan nga mga benepisyaryo sang programa lakip na diri mga dependents sang BacCHP cardholders. Ginpahayag ni BacCHP Coordinator Engr. Mae Cuaycong, may masobra na sa 14,000 ang mga pasyente nga naka-benepisyo pinaagi sa BacCHP. Kabahin sa ginaplano sang siudad nga magluwas sa financial assistance mapalab-ot man ang libre nga medical services sa mga miyembro.
Tubtob karon nagapadayon pati ang orientation kag registration program sang BacCHP sa mga pampubliko nga eskwelahan sa Bacolod.
“Naga-sige sige gid kami libot, ang gina-una lang namon anay ang daw layo gid, nabudlayan sila magdali-dali pa laboratory, so we also bring laboratory such as ang blood glucose, ang hemoglobin, ang uric acid kag ang cholesterol”, suno kay Cuaycong.