Malapit sa 6.9 milyones pesos nga balor sang suspected shabu ang na recover sang City Drug Enforcement Unit sa ila buybust operation kagab-i sa Purok Kawayan, Barangay Banago.
Dakop sa buybust si Napoleon Begasa III, nga gina kabig high value individual. 5 ka plastic bag kag 16 ka sachet sang ginapatihan shabu ang nakuha sa iya nga naga balor tanan sa 6,868,000 pesos.
Suno sa CDEU, una nga tion nga nadakpan si Begasa kag posible ginpasulod sa siyudad sang San Carlos man ang iya nga stock.
Samtang kaina sang kaagahon, 714,000 pesos naman nga balor sang iligal nga droga ang nakuha sang Police Station 8 sa buybust operation sa kahirup Barangay Singcang kaina sang kaagahon.
Subject sang buybust ang 37 anyos nga si Raffy Cardenas. Kaso nga paglapas sa RA 9165 ang ipasaka batuk sa mga gindakop.