Shadow

Tricycle driver patay sa pagpaniro sa Hinigaran, 3 pilason

HInigaran PNP photo

Patay ang tricycle driver nga si Leonardo Espinosa matapos ini gin tiro sang wala pa makilal-an nga persona sang Sabado sa Barangay 1 sa banwa sang Hinigaran.

Sa imbestigasyon sang PNP, nagadalagan ang tricycle ni Espinosa nga may sakay pa nga isa ka pasahero sang siya ang gintiro sang makapila ka beses sang gunman nga naga sunod sa iya.

Wala masalabat ang iya pasahero suno sa pulis, apang may tatlo ka mga bystander nga nasalabat sang bala dala sang sunod-sunod nga lupok. Sila ang gindala man gilayon sa ospital.

Suno sa pulis, posible dumot ang kabangdanan sa pag patay kay Espinosa bangud sa may yara man sang kaaway nga pamilya ang iya pamilya.

Naga padayon pa ang imbestigasyon sang kapilisan sa sini nga kaso.

Secured By miniOrangeSecured By miniOrange