Banwa sang Hinigaran ang yara na sa epidemic threshold bahin sa kadamuon sang kaso sang dengue.
Negros Occidental sa gihapon ang may pinaka madamo nga bag-o nga kaso sang dengue sa Western Visayas.
Sa May 28 nga report sang Department of Health Region 6, 297 ang new cases sang dengue.
Nag dangat na ini suno sa DOH sa 2,000 mark.
105 ang new cases sang Negros Occidental amo man ang Antique.
Zero new cases naman ang Bacolod.
Humalin sa Enero tubtob may 28, 800 na ang total dengue cases sang Negros Occidental.
Lima naman ang patay.
Kun ipaanggid ang kadamuon sang dengue subong nga 2022 sa Negros Occidental sa 2021 nga datus, 357 percent ini nga nagsaka subong nga tuig suno sa DOH.
Suno kay Dr Ernell Tumimbang, sa mga banwa kag siudad sa Negros Occidental ang banwa sang Hinigaran ang nadangat na sa epidemic threshold.
Gin mando na ang pagpatuman sang fogging sa lugar subong mga semana.
Nagpa gwa naman ang Provincial Health Office sang larvicide sa mga banwa kag siudad nga may matag-as nga kaso sang dengue ukon yara sa priority.