Wala pa sa gihapon makabalik sa pag-negosyo ang mga vendors nga apektado sang masunog ang 32 ka mga stalls sa sulod sang Bacolod Central Market sang nagligad nga bulan.
Pero may pila na ka mga manugbaligya ilabi na ang 12 sa mga partially damaged ang baligyaan nga naghinyo nga makaayo ang ila stalls agud makasugod balik sa pag negosyo.
Ginsiling ni City Engineer’s Office OIC Engr. Loben Ceballos nga ginatinguhaan na nga matigayon ang bidding process sa pag-repair sang mga apektado nga stalls.
May kapin sa P5M nga pondo gikan sa trust fund sang merkado nga sarang magamit para sa partial repair.
Nakahanda ang City Engineer’s Office nga suguran ang pag-dismantle sang mga nasunog nga stalls kun luyag sang mga vendors nga temporary nga magbalik sa ila mga pwesto agud maka-negosyo samtang wala pa masuguran ang proyekto.